jueves, 23 de marzo de 2017

Pedro Feijoo no clube de lectura

O  día 21  reunímonos un grupo de nais e algunhas profesoras  para falar do libro dos Fillos do Mar. 
Iniciamos a sesión  comentamos a nivel xeral as boas impresións en torno da lectura do libro e  a continuación conectamos por videoconferencia co autor, Pedro Feijoo.
As preguntas  foron moitas e variadas, el moi amablemente foi  respondendo dunha maneira interesante e amena.
Contounos a súa vinculación cos lugares nos que transcurre a novela; como descubriu ao arquitecto Michel Pacewicz a través dos preciosos edificios  en Vigo; como lle marcou as historias que lle contaba  seu avó camiño ao xornal Faro de Vigo; tamén a súa paixón dende pequeno pola literatura e por suposto pola música,
Asi durante case unha hora. foinos desgranando  feitos, vivenzas,  historias que deron lugar ao libro  Fillos do Mar, novela que disfrutamos, e que de seguro, xa gardaremos por sempre un moi agarimoso recordo.
Agora só nos queda esperar ao seu novo libro, que xa poidemos comprobar está moi avanzado.
Agradecemos a Pedro a amabilidade de agasallarnos co seu tempo, coa súa alegría e cercanía. Desexámoslle moita sorte nos vindeiros proxectos.

domingo, 19 de marzo de 2017

Pedro Feijoo

Vaise acercando o día  do clube de lectura de maiores, onde poremos en común a lectura do libro "Os fillos do mar" do escritor vigués Pedro Feijoo, será o vindeiro martes 21 de marzo ás 18.30. Onde de seguro que haberá algunhas sorpresas, entre outras teremos a sorte de ter  ao autor  a través dunha videoconferencia.

PEDRO FEIJOO é licenciado en Filoloxía Galega pola Universidad de Santiago de Compostela. Ao longo dos últimos anos exerceu como músico, produtor, compositor e membro dalgúns proxectos musicais galegos como Los Feliz e Lamatumbá. En 1997 publicou o seu primeiro libro, Cousas do «Galicia», por Castelao, no que se explica a relación de Castelao co xornal Galicia que dirixiu Valentín Paz-Andrade. 
En 2005 publicou Viva o Fu Remol!, unha crónica sobre os problemas do panorama musical galego. En 2011 o relato "O segredo do viaduto" no  XII Certame Literario de relatos curtos Os Viadutos. A súa primeira novela Os fillos do mar foi  publicada  2012, en 2013  A memoria da choiva e en 2015 Morena, perigosa e románica.
Obtivo diferentes premios:
Finalista do Premio Xerais no 2011, polos Os fillos do mar.
Premio Arcebispo San Clemente no 2013, por Os fillos do mar.
Premio Frei Martín Sarmiento de Bacharelato e adultos en 2014, por Os fillos do mar.
Premio Arcebispo San Clemente no 2016, por A memoria da choiva.

A continuación a entrevista que lle realizaron cando se publicou o libro Os Fillos do Mar.

sábado, 18 de marzo de 2017

Encontros do plan de mellora de bibliotecas escolares.


Os día 16 e 17 de marzo o Palacio de Congresos de Santiago de Compostela acolleu unha vez máis os ENCONTROS DO PLAN DE MELLORA DE BIBLIOTECAS ESCOLARES. Coma en anos anteriores, estaba convocado para a primeira xornada o profesorado dos centros que se incorporaron a este programa no curso 2016/2017, así como unha treintena de coordinadores da biblioteca do seu centro que son novos nesta responsabilidade. Xa na segunda xornada, o 17 de marzo, reunimonos os responsables da biblioteca da totalidade dos centros Plambe, que neste curso inclúe 615 bibliotecas (605 centros públicos e 10 centros privados concertados). 
En tempos de evolución e cambios profundos no ámbito social e educativo cómpre empregar utensilios ben calibrados para acertar no rumbo a seguir; imponse a necesidade de estudar ben as direccións dos ventos e a súa intensidade; é obrigatorio dotarse de argumentos e razóns para seguir adiante nos camiños de innovación encetados e sortear, así, perigos diversos. O faro como símbolo da luz e o coñecemento tense empregado para referirse ás bibliotecas. Reivindicámolo aquí tamén como invento humano imprescindible para guiarse na escuridade: o mesmo que a biblioteca escolar.

miércoles, 15 de marzo de 2017

Muller loitadora

Angeles na súa casa, cando a convencimos para que viñera ao centro
Nesta semana seguimos conmerando o 8 de marzo coñecendo a unha gran muller loitadora, Mº de los Angeles Caldas Almuster, veciña de Tameiga, que tivo a xentileza de estar no centro para disfrutar da súa compañía,  coñecer trazos da súa vida e, como non, mostrarnos as súas obras de arte.
Falounos das duras vivenzas persoais: dunha infancia chea de traballo cando eres a maior de entre seis irmáns e tes unha nai doente; da chegada do amor da man do seu home e de dous fillos; da dor  de ter que emigar a Suiza tendo que deixar aos fillos;  da gran dificultade de  aprender un idioma que descoñecía, o alemán, e a necesidade de aprendelo buscando cada noite palabras novas no dicionario para poder comprender e falar;  a añoranza  e a necesidade dos seres queridos, os impedimentos das autoridades suizas para levar aos fillos e a boa adaptación destes ao novo país, o regreso definitivo ao cabo de 27 anos deixando esta vez non só aos fillos senón tamén aos netos. Falounos da morte da seu home e como foi aprendendo a vivir de novo co traballo continuo da casa, a horta (chegou a gañar premios), o encaixe de boliños, a realización de diversas manualidades, obras sociais e tamén a faceta de escribir contos e poemas.
A mensaxe  que nos transmiteu Angeles neste día foi a  alegría e a ilusión ante a vida, a perseverancia por aprender e de crear,  a fortaleza para continuar cara diante a pesar dos atrancos. 
Para rematar regalounos esta frase que ela sempre emprega "o que quere pode" e tamén leeunos algúns dos seus poemas.
Dende aquí queremos mostrarlle o noso agradecemento por  esta tan grata e interesante visita . Moitísimas grazas.


jueves, 9 de marzo de 2017

Aprendendo con Lucita no dia Internacional da muller

Para conmemorar o día da muller traballadora tivemos  unha invitada moi especial, traballadora, artista,... María Luz Carrera Abalde, coñecída  por  Lucita tal e como nos dixo o seu neto Mauro, alumno de primeiro.
              
 

  Contounos que a súa vida foi moi distinta da que teñen nestes tempos  os nosos nenos e nenas. Cando era pequena apenas foi á escola porque tiña que traballar, axudar a súa nai no reparto do leite, coidar dos animais. Tamén nos dixo que a verdade e que non lle  gustaba moito a escola e animou ao alumnado a estudar, pois nos dixo que se non tes estudos non podes facer moitas cousas,  ela decatouse disto xa cando era maior e decidiu ir sacar o graduado escolar.
                Ainda sendo nena   aprendeu a bordar, neses tempos  vendía o que facía para gañar cartos.
                Os anos pasaron,  casou con Ladislao e tivo tres fillas. Foi sempre unha muller traballadora  e adicouse a tarefas ben distintas: leiteira, traballou no noso cole,...., atendía a súa familia;  pero sempre atopaba tempo para facer verdadeiras obras de arte en calceta e ganchillo.
                O seu home sufríu un grave accidente e ela ademáis de todo o que xa viña facendo,  coidouno moitísimo, tendo forzas para atender a todos e a si mesma .
                Pero a pesar de todos os contratempos que lle aconteceron, a súa inquietude artística seguía medrando no seu interior, e xa xubilada aprendeu a pintar, a traballar con coiro, facer macramé,......
                As  súas obras artísticas, máis de 70, en pintura non se limitan ao lenzo, pinta en madeira, en tea,...., fai bodegóns, retratos, paisaxes, ..., pero o que máis lle apasiona plasmar nas súas tanto nos cadros coma no coiro son  as máns.
               
 

Dende aquí queremos volver a agradecerlle o seu agarimoso e prezado tempo. Moitísimas grazas.


miércoles, 8 de marzo de 2017

A igualdade empeza en min

Emakunde, a través do governo vasco, realiza neste 8 de marzo unha campaña en positivo sobre as actitudes persoais que fomentan a igualdade na nosa sociedade, mostrando diferentes visións. O lema da campaña é “La igualdad también empieza en mí”.

martes, 7 de marzo de 2017

8 de marzo


O día 8 de marzo celebraremos o Día Internacional da Muller. Esta data conmemórase  nas Nacións Unidas e é festa nacional en moitos países. 
                                            Vídeo explicativo 
Este 8 de marzo queremos que  sexa unha homenaxe e unha reinvindicación para todas aquelas mulleres que demostran no seu día a día a necesidade de igualdade de dereitos e de oportunidades que disfrutan os homes e o mesmo recoñecemento na sociedade.
Para conmemorar dia tan importante visitarannos no centro dúas mulleres de Mos que nos contaran as súas  interesantes vivenzas  e  mostrarannos as súas múltiples facetas.
Asi o día 8 de marzo teremos con nós a: MARIA LUZ CARRERA ABALDE.
O dia 14 de marzo teremos a: MARIA DE LOS ANGELES CALDAS ALMUSTER .

lunes, 6 de marzo de 2017

Gloria Fuertes


Neste ano 2017 conmemórase o centenario do nacemento de Gloria Fuertes ( 28 de julio de 1917-1998).
A escritora madrileña destacou pola súa produción poética infantil e xuvenil, sendo menos coñecida a súa poesía para adultos.
En torno á sua persoa e obra vanse desenvolver múltiples actividades como nos informan desde o Observatorio del libro y la lectura. Podemos consultar tamén a páxina da Fundación Gloria Fuertes ou do Instituto Cervantes para achegarnos á biografía e á obra da poeta.
 Non atopamos moitos recursos en galego en torno á poeta, porén a editorial Hercules de Ediciones ten publicada unha biografía na súa colección As amizades de Hércules, titulada Hércules pasea con Gloria Fuertes.

martes, 28 de febrero de 2017

La familia de la vajilla impar

Cando o vimos este libro enamorounos non só pola historia que conta senón polas fermosas ilustracións. A vida dunha familia ten moito en común cos acontecementos da súa vaixela. Neste álbum podemos ver, ao longo de varios anos, o devir da vida desta familia composta polo pai, a avoa, dous nenos e a súa irmá, un can e un gato en paralelo cos cambios e sucesos da vaixela familiar.
Así é a historia do libro que obtivo o V premio Internacional de Álbum Ilustrado Edelvives. 
As súas autoras, a escritora alacantina Catalina Gómez e a ilustradora chilena Isabel Follas, din que este libro ten moitas lecturas e non está construído só para nenos e nenas, como matiza Gómez. "Os álbums ilustrados catalóganse para un público infantil, pero a evocación é máis profunda. É unha reflexión sutil sobre a vida".
Un conto para compartir e para aceptar os cambios.

jueves, 23 de febrero de 2017

Disfrutando de Rosalía

 
 

                                       
 

martes, 21 de febrero de 2017

Manual de escola


Chegou aos andeis da biblioteca este libro de banda diseñada do ilustrador e profesor Xosé Tomás, que tivemos a sorte de coñecer  no centro na visita que nos fixera.
Manual de escola é un libro de humor gráfico que resume como o resultado de "conversacións, situacións e momentos álxidos na profesión da docencia"
No libro fala de sensacións, de sentimentos, pero sobre todo do importante que é o alumnado para que a aprendizaxe siga adiante.

lunes, 20 de febrero de 2017

Semana de Rosalía

O vindeiro 24 de febreiro celébrase o Día de Rosalía; para conmemorar o 180 aniversario do nacemento da nosa autora máis universal a biblioteca preparou un bibliocarro para o profesorado con material da escritora e o vindeiro xoves repartiremos chapas da súa imaxen para os de 5º e 6º e para o resto do alumnado de primaria un marcapáxinas.
Dende normalización facilitarase a imaxen para decorar.
Neste curso esta conmemoración está un pouco diluida pola coíncidencia da festa do entroido no centro.

viernes, 17 de febrero de 2017

Xa non estou aquí


Destacamos esta novela xuveníl " Xa non estou aquí" de Iria Misa, que recibiu o premio Jules Verne de Literatura Xuvenil na edición de 2016.
Na presentación da novela a autora, Iria Misa, comenta que é unha novela que fala de sentimentos universais: a necesidade de pertenza a un grupo, de comprensión, a soidade… "É unha novela coral onde quixen traballar o multiperspectivismo e así poñer de manifesto o cariz tan distinto que pode tomar a realidade dependendo dos ollos de quen a mira".
A intriga artéllase arredor da desaparición da protagonista, misterio que se irá desentrañando ao longo da novela a través dos distintos puntos de vista dos personaxes.

lunes, 13 de febrero de 2017

Matilde

A editorial Kalandraka volve a sorprendernos con esta historia preciosa de curiosidade infantil frente ao inmobilismo do mundo dos adultos.
Inqueda e curiosa, a pequena Matilde asómase ás agachadas ao estudio dun artista e sae fuxindo cun dos seus pinceis, co que decide debuxar un dragón. Para a súa sorpresa -e a dos lectores- a criatura trazada salta da parede e comeza a percorrer a cidade, ata que se desentende da nena e vai cometendo falcatruadas. Afortunadamente, o pintor aparece no momento oportuno e de máximo suspense para axudar a Matilde, restablecendo a normalidade.

martes, 7 de febrero de 2017

Jane, el zorro y yo


Esta é unha novela gráfica que nos pareceu interesante onde  se abordan temas como o paso da infancia á idade adulta, o acoso escolar, os problemas derivados da baixa autoestima.
Montreal, finais dos anos oitenta do século pasado. Helene é unha rapariga de doce anos que inexplicablemente foi deixada de lado polas súas antigas amigas, que agora se divirten humillándoa en público. O día a día da protagonista é un inferno e a súa autoestima reséntese até o punto de que chega a asumir como certos os insultos recibidos. Non quere recorrer á axuda e comprensión da súa nai, porque a vida desta non é moito mellor: sempre ao bordo do colapso por esgotamento, mantén ela soa a Helene e os seus dous irmáns. O único consolo de Helene é a lectura de Jane Eyre, a novela de Charlotte Brontë, con cuxa desgraciada protagonista sente identificada.

martes, 31 de enero de 2017

Celebrando o día da Paz

Este 30 de xaneiro foi un día moi intenso pola maña empezou o alumnado a colocar o seu anaco de cadro do Guernica nunha gran corticeira na entrada do colexio e noutra parece o seu bo desexo de cambiar o mundo a partir da frase " se eu cambio o mundo cambia"
Despois todos e todas reunímonos no salón de actos onde as presentadoras María e Lily deron paso as diferentes partes, primero se visualizou a montaxe de fotos do alumnado e se coñeceu a historia do Guernica en un vídeo, aprendimos sobre Kofi Annan e a ONU nunha presentación , dixemos a través do xogo da pelota as intencións para cambiar o mundo e como toda boa festa cantamos a canción de "Quérote mäis"
Un día precioso cheo de paz!









lunes, 30 de enero de 2017

Guernica

Este ano en torno ao día da Paz imos ter coma protagonista O Guernica, aproveitando que estamos traballando o tema do arte. Un cadro que é un símbolo do horror e a crueldade das guerras.
Así na maña do día 30 de xaneiro todo o alumnado reconstruirá o cadro,como se fosemos a construir un quebracabezas, que despois no salón de acto se mostrará para tod@s, a montaxe que se realizará cas fotos  e unha proxeción de explicación da pintura.
                                
     Clica para información: Guernica de Pablo Ruiz Picasso
                                           Un vídeo sobre o Guernica en 3D, moi interesante

sábado, 28 de enero de 2017

Aprendendo para o día da Paz

Neste 30 de xaneiro para conmemorar o día escolar da non-violencia e a paz imos coñecer no centro a figura de kofi Annan e a ONU, gañadores do premio nobel da Paz.
Para elo a biblioteca  preparou unha presentación con información para proxectar a todo o alumnado, que estará acompañada polas voces d@s bibliotecari@s de sexto.
Ademáis a partir da frase selecionada polo profesorado para traballar na aula, "Se eu cambio o mundo cambia", se elaborou un decálogo de ideas, obtidas dos grupos cooperativos de 5º, para poder mellorar  o mundo actual .
Ademais a nosa compañeira Verónica realizou un mural precioso de Kofi Annan para a entrada da biblioteca.







Coñecendo a Kofi Annan


Kofi Annan naceu en Kumasi en 1938, político ghanés, estudou inicialmente na Universidade do seu país Ciencia e Tecnoloxía. Posteriormente, para completar a súa formación, viaxou a Estados Unidos, onde realizou estudos de Economía en Minnesota mediante unha beca que lle outorgou a Fundación Ford. Desde alí marchou a Xenebra, ao Instituto de Estudos Internacionais, e empezou a traballar na Organización Mundial da Saúde.Posteriormente e durante seis anos (1965-1971), Kofi Annan formou parte da Comisión Económica Africana, para máis tarde regresar aos Estados Unidos onde completou os seus estudos no Instituto Tecnolóxico de Massachusetts, no que estudou Administración de Empresas. Ao finalizar a súa preparación, volveu a Ghana, onde se encargou de promocionar o turismo do seu país ata que en 1976 foi contratado pola Organización das Nacións Unidas (ONU).Neste organismo foi subindo paulatinamente de categoría; así, en 1993 foi elixido máximo responsable das operacións de paz durante a guerra civil en Bosníaca-Herzegovina. Ata que, en 1996, foi elixido secretario xeral da ONU para o período 1997-2001, en sustitución de Butros-Ghali, co apoio de EE UU, país que desexaba especialmente unha drástica redución de gastos por parte de devandito organismo.
Educación para as nenas, educación para todos Kofi Annan

miércoles, 25 de enero de 2017

O neno inverno


A escritora María Canosa vén de publicar na editorial Galaxia, colección Árbore, esta historia que sorpréndenos pola sensibilidade con que trata o tema do acoso escolar, o respecto ás diferenzas e por suposto a importancia que teñen as amizades na vida das persoas. 
O neno inverno é a historia dun neno albino que está acostumado a ser diferente e de que isto provoque a mofa por parte dalgúns compañeiros, e xunto cunha moza chámada Alex, protagonizan unha historia fermosa de amizade e pluralidade.