viernes, 23 de febrero de 2018

VISITA DO CENTRO OCEANOGRÁFICO DE VIGO: CONTAMINACIÓN MARÍTIMA

Aproveitando a celebración do día Internacional da Muller e a Nena na Ciencia (11 de febrero), esta semana tivemos a sorte de contar no noso centro con tres mulleres científicas do Centro Oceanográfico de Vigo que viñeron a falarnos sobre a contaminación mariña, Isabel Ramilo, Virginia Filgueiras e Agueda Cabrero.

Todo o alumnado do centro puido disfrutar desta interesante actividade: dende os máis pequenos de 3 anos ata os maiores do centro, os nenos e nenas de 6º de primaria.
Divididos en catro grupos segundo a idade, os rapaces e rapazas aprenderon moitos datos interesantes sobre os lixos marinos, a contaminación das augas, o problema dos microplásticos e as súas consecuencias e tamén aprenderon a diferenciar os distintos tipos de plásticos segundo a súa composición mediante un taller manipulativo.
E como non podía ser doutra maneira puxeron en valor, mediante unha proxección, o importante traballo realizado por algunhas mulleres científicas, que foron olvidadas e ninguneadas, entre outras :Hipatia de Alejandría, Paulina Rubio H ,Rosalind Franklin, Marie Curie... e outras moitas, sen olvidar a Ángeles Alvariño, una muller galega oceanógrafa, zooplanctóloga e profesora precursora na investigación oceanográfica mundial (nome que leva un dos buques oceanográficos de Vigo)
Queremos dar as grazas a estas tres  científicas que nos visitaron Isabel, Virginia e Agueda, por a súa contribución a ensinarnos a súa profesión, fomentando a mellora do medio marino, abrindo camiños a outras mulleres e por suposto por adicarnos o seu tempo nunha maña moi ilustrativa. 
 


 



 
 
 


lunes, 19 de febrero de 2018

As receitas de Rosaura

Resultado de imagen de as receitas de rosaura
Este mércores 21 de febreiro temos a visita no centro da escritora Isabel Blanco para falarnos do seu libro “As receitas de Rosaura" co que as nenas e os nenos de segundo de primaria están traballando durante este curso.
As receitas de Rosaura é o primeiro libro infantil de receitas en verso escrito en galego.
Rosaura é unha cociñeira diferente que cociña ao ritmo dunha muñeira e vainos presentar 6 deliciosas receitas para poder facer xuntos maiores e pequenos. (Algunhas xa as fixeron na aula os alumnos e alumnas de segundo curso).
Un libro moi divertido cunhas ilustracións marabillosas (realizadas por Luz Beloso) que recomendamos a todos e a todas ler.

miércoles, 14 de febrero de 2018

A muller na ciencia.

Facendo coíncidir ca data do 11 de febreiro (dia  Internacional da Muller e a Nena na Ciencia) quixemos que se visualizará o papel da muller na ciencia polo que se programa a organización dunhas charlas  realizada polo  Centro Oceanográfico de Vigo, sobre o tema a contaminación marítima.
En concreto serán catro charlas, para os diferentes ciclos, no día 19 de febreiro realizadas por tres mulleres expertas no tema. 
Este centro Oceanográfico quixo sumarse á iniciativa do 11 de febreiro que está a fomentar a realización de actividades para conmemorar esta efeméride, visibilizando o traballo das científicas e creando roles femininos nos ámbitos da ciencia que promovan prácticas que favorezan a igualdade de xénero no ámbito científico. Por este motivo, ao longo do mes de febreiro,  ofrecerá vinte e unha charlas en dezanove colexios e institutos das provincias de Pontevedra e A Coruña .  Nelas, dezanove mulleres do Centro (científicas, persoal técnico e persoal de administración) tanto a través da súa propia experiencia en investigación, como a través de referentes femininos en ciencia, visibilizarán o papel da muller.

11 de febreiro: día da muller e a nena na ciencia

A Asemblea Xeral das Nacións Unidas decidiu proclamar o 11 de febreiro de cada ano Día Internacional da Muller e a Nena na Ciencia.
Nos últimos 15 anos, a comunidade internacional fixo un gran esforzo inspirando e promovendo a participación das mulleres e as nenas na ciencia. Desafortunadamente, elas seguen enfrontándose a barreiras que lles impiden participar plenamente nesta disciplina. De acordo cun estudo realizado en 14 países, a probabilidade de que as estudantes rematen unha licenciatura, unha mestría e un doutoramento nalgunha materia relacionada coa ciencia é do 18%, 8% e 2%, respectivamente, mentres que a probabilidade para os estudantes masculinos é do 37%, 18% e 6%.

Vivimos nun mundo global e diverso onde a igualdade non está conseguida en moitos aspectos, un dos que nos preocupa e ocupa é a brecha de xénero e a tecnoloxía. É por iso que o 27 de novembro, coincidindo co 165 aniversario do falecemento de Ada Byron, presentouse o Manifesto INSPIRA: Abrindo espazos a nenas e mulleres en ciencia e tecnoloxía. 
Manifiesto:
Vivimos nun mundo global e diverso onde a igualdade non está conseguida en moitos aspectos. Un que nos preocupa e ocupa é a brecha de xénero e a tecnoloxía.
Son feitos demostrados que menos mulleres elixen unha profesión tecnolóxica, menos mulleres traballan no mundo científico/técnico, as mulleres chegan a postos de menor importancia e perciben salarios inferiores en postos de igual relevancia.
Estes feitos non se deben a un menor gusto, a unha menor capacitación, a unha inferior vocación, ou a un inferior desempeño. Son os factores sociais, culturais e educativos os que empoderan, recoñecen e incentivan menos ás mulleres que aos homes. Son os estereotipos, procesos de socialización, roles de xénero, machismos ocultos cos que construímos a educación e a sociedade os que fan crer que as mulleres son menos capaces e os que provocan que as mulleres sexan menos valoradas, social e economicamente.
Esta realidade pódese cambiar, e facelo é relevante. Xogámonos moito. E nos concierne á sociedade no seu conxunto e a cada unha das persoas e entidades que a formamos. Este manifesto constitúe un compromiso, das persoas e organizacións que se adhiren a el, de traballar activamente pola igualdade entre mulleres e homes no ámbito científico-tecnolóxico, a través das seguintes liñas de acción:
1. Reflexionar e revisar a falsa crenza de que xa hai igualdade. Coñecer os datos que demostran que esta igualdade aínda non existe e hai moito traballo que facer por conseguila.
2. Recoñecer publicamente que mulleres e homes temos as mesmas capacidades, dereitos e responsabilidades, e merecemos por tanto o mesmo recoñecemento.
3. Dar a coñecer as consecuencias da falta de igualdade existente, e traballar para concienciar á sociedade da necesidade de accións positivas para evitalas, promovendo un sistema científico-tecnolóxico responsable e diverso.
4. Visibilizar ás mulleres científicas e tecnólogas históricas e actuais, pondo en valor o seu traballo e construíndo novos referentes.
5. Reverter os estereotipos sociais, desmitificando as crenzas sobre os roles de xénero; facilitando información sobre as carreiras científicas e tecnolóxicas; e dando a coñecer o amplo abanico de posibilidades profesionais das STEAM (Ciencia, Tecnoloxía, Enxeñaría, Arte e Matemáticas).
6. Favorecer un contexto social e educativo no que as nenas se vexan animadas, capaces e recoñecidas para que poidan elixir o seu futuro sen condicionamentos.
7.Contribuír ao empoderamiento das mulleres, desenvolvendo accións en todas as dimensións para conseguilo.

jueves, 8 de febrero de 2018

Xinfu, na maldición guauchuki


Este cómic infantil está incluído na colección Merlín cómic, da que forman parte tamén títulos como Marcopola.
Xinfu (que significa feliz en chinés) e Wini son dous cans que viven unha vida pracenteira até que descobren un óso que posúe un poder máxico que os vai trasladar a outro mundo, onde vivirán aventuras extraordinarias.

Destinado a partir de primeiros lectores (6-8 anos), vén acrecentar os títulos (aínda escasos) de banda deseñada infantil en galego, que poden formar parte dos fondos da biblioteca escolar ou ben dunha selección de cómics para as mochilas viaxeiras.

viernes, 2 de febrero de 2018

Mans para a Paz

Chegou o 30 de xaneiro, día para conmemorar a Paz e a non Violencia, dende a Biblioteca non quixemos pasar esta data sen que o alumnado reflexionará, para o cal montamos un expositor con libros de interese para traballar nesa semana e elaboramos  un mural precioso cun planeta e encima unha gran pomba da paz, cunha frase alusiva a data e o tema do planeta , "A PAZ DO TEU PLANETA ESTÁ NAS TÚAS MANS"
O alumnado tería que plasmar as mans de cor azul e verde ( tema do PDI Planeta verde e azul). Así de bonito quedou a actividade:


lunes, 29 de enero de 2018

Soño cun planeta...

Neste curso o tema do noso proxecto documental integrado é Planeta verde-Planeta azul, dende a biblioteca quixemos aproveitar que este  26 de xaneiro celébrase o Día Mundial da Educación Ambiental, para realizar unha actividade de concienciación para todo o alumnado do centro.
  Se lle entrega unha bolboreta de diferente cor a cada alumno/a, que recortará ou picará , onde escribirá unha palabra ou frase a partir do lema: SOÑO CUN PLANETA… posteriormente a decoran e a colocan  cunha chincheta na corticeira exterior da bibioteca. 
https://www.youtube.com/watch?time_continue=3&v=XoXT5GD64fE
Así de precioso e interesante quedou esta actividade:
 
 
 
 
 

 
 
 
 
 
 

jueves, 25 de enero de 2018

Día Mundial da Educación Ambiental

O 26 de xaneiro, celébrase o Día Mundial da Educación Ambiental, cuxo obxectivo é concienciar á poboación mediante a educación, sobre a problemática Ambiental e a súa afectación á calidade de vida presente e futura, fomentando o camiño cara a un desenvolvemento sustentable.
 Considérase que a primeira recomendación oficial internacional que expón utilizar a ferramenta educativa como resposta á problemática ambiental é a Declaración sobre o Medio Humano, documento final da Conferencia de Nacións Unidas sobre o Medio Humano, celebrada na cidade sueca de Estocolmo do 5 ao 16 de xuño de 1972.
Esta declaración é o punto de partida de toda unha serie de conferencias, reunións e programas que tentan desenvolver e definir o concepto de educación ambiental.
 "A educación ambiental é un proceso permanente no que os individuos e as comunidades toman conciencia do seu medio e aprenden os coñecementos, os valores, as destrezas, a experiencia e, tamén, a determinación que os capacitan para actuar, individualmente e colectivamente, na resolución dos problemas ambientais presentes e futuros."

martes, 23 de enero de 2018

ELISA NO MUNDO DAS MARABILLAS

elisa no mundo das marabillas-9788491510369

A ilusión e a beleza están ao alcance de calquera. A Editorial Galaxia e APAMP (Asociación de familias de persoas con parálise cerebral) editan este libro..
Este é moito máis que un álbum ilustrado. É un libro feito dende a ilusión máis absoluta e que nace do entusiasmo brutal e optimista do Obradoiro Artístico de APAMP (Asociación de Familias de Persoas con Parálise Cerebral) e que un día decidiron escribir, e ilustrar, coas súas propias mans, cos seus propios corazóns, este libro protagonizado por Elisa, unha muller alegre, soñadora, de mirada intensa e cabelos castaños. Era moi fermosa, pero ela non o sabía. Elisa movíase nunca cadeira de rodas e tiña parálise cerebral.A través deste libro, achegarémonos a unha realidade que ignoramos, que non queremos ver malia que a teñamos diante dos ollos. A realidade das persoas que padecen parálise cerebral e que aínda que cheos de dificultades, son quen de saír adiante.

jueves, 18 de enero de 2018

V clube de lectura: Isabel Allende



Este é o título elexido para o vindeiro clube de lectura de adultos/as, que se celebrará o 20 de Xaneiro ás seis da tarde na biblioteca.
Más allá del invierno é unha das historias máis persoais de Isabel Allende: unha obra absolutamente actual que aborda a realidade da emigración e a identidade da América de hoxe a través duns personaxes que atopan nun gran inverno. Trata temas complicados e mestúranse con sentimentos como o amor, a confianza, a inseguridade e as ganas de vivir.
Un libro que seguro dará moito que comentar. Esperemos que guste e animamos a que asistades.

sábado, 13 de enero de 2018

Reinterpretando contos


A editorial Xerais vén de publicar os contos Brancaneves e os 77 ananiños e Cincenta e as zapatillas peludas, ambos os dous da autoría de Davide Cali, con ilustracións de Raphaëlle Barbanègre e traducidos por Anaír Rodríguez.

Son reinterpretacións dos contos clásicos e un canto á liberdade. Desde o humor cuestiónanse os estereotipos aceptados que impiden a educación en igualdade de dereitos de oportunidades de nenos e nenas.
Indicados para primeros/as lectores/as, son boas lecturas para incluír nos fondos da biblioteca escolar para traballar a coeducación, a iguadade de xénero e o dereito a decidir das persoas, nomeadamente as mulleres.

martes, 9 de enero de 2018

Saltón no camiño


Kalandraka acaba de publicar en galego Saltón no camiño, un dos libros clásicos de Arnold Lobel que vén acrecentar os títulos dispoñibles deste autor na nosa lingua.
Na súa viaxe, Saltón atopa a moitos personaxes como uns escaravellos, un verme, unha mosca, un mosquito, unhas bolboretas ou uns cabaliños do demo, e vive con eles unhas historias moi interesantes, que van enriquecer seu camiño.
Aínda que a ilustración ou o tamaño da letra nos fagan pensar que está destinado para os máis pequenos, a súa lectura pode resultar de interese para todas as idades.

lunes, 18 de diciembre de 2017

Triptico para as familias

Neste Nadal quixemos que as familias tiveran a oportunidade de ter lecturas variadas para levar as súas casas, de tal forma que elaboramos un tríptico para enviar. 

jueves, 14 de diciembre de 2017

A horta de Simón


De novo a editorial Kalandraka voltou a convocar o Premio Internacional Compostela para álbums ilustradosl, estando xa na X edición. 
O premio recaeu no álbum de Rocío Alejandro titulado A horta de Simón. 
Simón plantou moitas cenorias pero alguén lle suxeriu poñer tamén leitugas, tomates, berenxenas... E a horta tanto medrou, que se encheu de hortalizas e duns laboriosos agricultores. 
Un libro interesante onde está presente a ecoloxía, a colaboración, o respecto hacía a natureza, animais e persoas...

miércoles, 13 de diciembre de 2017

Recomendacións de Nadal

                                           
Como todos os anos por estas datas realizamos unhas recomendacións de  libros para agasallar en Nadal.
Libros que se empregarán na aula como ferramenta para traballar  e posteriormente teremos a visita do escritor-a ou ilustrador que asinará os exemplares.

6º- 5º de primaria


            A SEÑORITA BUBBLE.

                                        LEDICIA COSTAS. EDITORIAL XERAIS

3º-4º de primaria


a cazadora de estrelas-maria canosa-9788491211914

 A CAZADORA DE ESTRELAS

 MARIA CANOSA. EDITORIAL XERAIS







Infantil e 1º de Primaria

a burra ramona-paula carballeira cabana-9788499950808

 A BURRA RAMONA


 PAULA CARBALLEIRA CABANA. BAÍA EDICIÓNS






Dende a Biblioteca do CEIP Pena de Francia desexámovos un estupendo Nadal e unhas marabillosas lecturas.

domingo, 10 de diciembre de 2017

Os caimáns van de paseo.


Os caimáns van de paseo. Este alfabeto é un álbum de Maurice Sendak que temos  na nosa lingua grazas de novo á editorial Kalandraka
Un simpático alfabeto cunha familia de crocodilos que pasean, xogan, cociñan e fan moitas máis cousas... Rimas e humor para gozar das letras. Unha maneira moi agradable e simpática de aprender o alfabeto.

viernes, 1 de diciembre de 2017

Día da discapacidade

Para conmemorar o día  Internacional  das persoas con discapacidade, 3 de decembro, dende o centro programamos:

DURANTE TODA A SEMANA.
Exposición na biblioteca de libros para traballar a diversidade.
MÉRCORES 29 E XOVES 30. Saída do alumnado de 1º e 2º de primaria ao centro E.V.D para realizar un obradoiro coas residentes.
VENRES 1 DE DECEMBRO. Visita no noso centro dunha persoa invidente da asociación ONCE para falarnos das súas vivencias.
Durante todo o mes tivemos na escola unha gran caixa, enviada pola ONCE, con materias diferentes para  persoas con discapacidade visual, para que o alumnado poidese manipulalos.

Resultado de imagen


miércoles, 29 de noviembre de 2017

Novembro: mes da ciencia en galego

A astrofísica viguesa Begoña Vila, premio Wonenburger da ciencia
Resultado de imagen de Begoña Vila Costa
 A astrofísica viguesa Begoña Vila  Costa recibirá este ano o premio Wonenburger, unha distinción que busca destacar o talento femenino en ámbitos relacionados ca ciencia.
 Estudou física na Universidade de Santiago de Compostela e no Instituto de Astrofísica de Canarias, doctorandose posteriormente en astrofísica no Centro Jodrell Bank para Astrofísicos da Universidade de Marchester, e comenzando a súa traxectoria profesional no Reino Unido e Canadá, estando na actualidade traballando en Washington no Goddard Space Flight Centre da NASA.
É doctora en astrofísica especializada no estudio de galaxias espirais. Na actualidade reside en Estados Unidos, onde recentemente foi premiada pola NASA coa medalla que concede ás persoas que contribúen de xeito relevante á misión da axencia espacial. De feito, é unha das principais responsables do telescopio espacial James Webb, que vai substituír ao mítico telescopio Hubble, liderando un equipo composto por máis de 1.000 persoas e que conta cun orzamento de 9.500 millóns de euros.
Entre outras cousas está encargada como inxeniera de sistemas de dous dos cinco instrumentos do telescopio: o “Fine Guidance Sensor (FGS)”, un instrumento engadido ao telescopio espacial James Webb, que é necesario pra que o telescopio apunte ao espacio coa estabilidad crítica pa facer os seus descubrementos e o “Near Infrared Imager and Slitless Spectrograph (NIRISS)” que fará observacions das primeiras galaxias e estrelas que se formaron no universo e sistemas planerarios
No ano 2016 foi condecorada pola NASA coa medalla “Exceptional Public Achievement” polos seus anos de liderado e logros excepcional, así como o deseñeo e desenvolvemento do “Fine Guidance Sensor (FGS)”, un instrumento engadido ao telescopio espacial James Webb, que funcionan como un sensor ultra-sensible que permitirá apuntar e estabilizar o telescopio, que poderá, entre outras cosas, analizar exoplanetas e a súa composición, ou coñecer cómo se formaron as primerias galaxias e estrelas tras o Big Bang.
Nas anteriores edicións foron sucesivamente distinguidas co premio Wonenburger Inmaculada Paz Andrade, Teresa Miras Portugal, María Soledad Soengas, Carmen Navarro  e Ofelia Rey, Tarsy Carballas, María José Alonso, Carmen García Mateo, Isabel Aguirre de Úrcola e Peregrina Quintela.

A Unidade de Muller e Ciencia creouse fai dez anos co obxectivo de incrementar a presenza da muller nos ámbitos científico e tecnolóxico de Galicia e de situar nun primeiro plano a perspectiva de xénero na actividade científica. Entre outras iniciativas, instaurou o premio María Josefa Wonenburger para resaltar as traxectorias relevantes de mulleres nos eidos das ciencias e da tecnoloxía, baixo un nome que pretende ser unha homenaxe á figura da matemática coruñesa. 
Dende as BIBLIOTECAS ESCOLARES DE GALICIA chégannos unha serie de RECOMENDACIÓNS e RECURSOS para traballar.
Tamén podemos ler o MANIFESTO que escribiu a investigadora Peregrina Quintela Estévez.

lunes, 27 de noviembre de 2017

Somos iguais

Neste Planeta os homes e mulleres somos iguais, foi o fio condutor deste ano para traballar a eliminación da violencia contra as mulleres. Nas aulas realizárose actividades diferentes para sensibilizar ao alumnado:lectura de libros, visionados,  mans pintadas, lazos lilas, debuxos, frases ou lemas...
Dende a biblioteca organizamos un acto o día 24, onde os colaboradoras/es tiveron un papel fundamental, por unha banda o curso de 5ºA realizaron un gran traballo  para reflexionar  mediante preguntas sobre a violencia de xénero e o curso de 5ºB escenificaron en teatro de sombras o libro de "Artur e Clementina". Para rematar disfrutamos cantamos a canción " Chea de Vida" de Guadi Galego, que preparáramos cos substítulos.